З 30 красавіка 2021 года ў штодзённы зварот прызначаны дзве пары новых хуткасных міжнародных цягнікоў № 717/722 і № 721/718 Масква-Мінск-Масква фарміравання ААТ «РЖД», якія абслугоўваюцца саставамі «Ластаўка» ў пяцівагонным выкананні ў камплектацыі «Прэміум».

Пасажырам прапанаваны 3 класа абслугоўвання:

бізнес-клас (вагон № 1). У пералік дадатковых сэрвісаў для пасажыраў дадзенага класа ўваходзіць рацыён гарантаванага харчавання (халодныя закускі, гарачыя стравы, кандытарскія вырабы і напоі), дарожны набор (тапкі, ражок для абутку, маска на вочы, сурвэткі для абутку), камплект друкаванай прадукцыі (карпаратыўны часопіс, газеты).;

эканомклас (вагоны № 2-9). Дадатковай паслугай з'яўляецца доступ да мультымедыйнага парталу «Спадарожнік», плата за які ўключана ў кошт білета. Інфармацыйна-забаўляльная сістэма змяшчае відэакантэнт, друкаваныя выданні, аўдыёкніжкі і музычныя творы;

базавы клас (вагон № 10).

У цягніку маецца магчымасць перавозкі асоб з абмежаванымі фізічнымі магчымасцямі.

Пасажырам, жадаючым ажыццявіць паездку з пакаёвымі жывёламі (сабакамі, кошкамі, птушкамі), рэкамендуецца набываць праязныя дакументы ў вагон № 1.

У адпаведнасці з нормамі §3 артыкула 13 дадатку да ОП СМПС, пасажыр мае права правозіць пры сабе пакаёвых жывёл (сабак, кошак, птушак), пры наяўнасці адпаведных ветэрынарных дакументаў, у спецыяльнай тары (пераносцы) у кошт нормы ручной паклажы на месцах, прызначаных для размяшчэння ручной паклажы.

Усе пасажыры цягніка маюць магчымасць дадаткова набыць чайную прадукцыю і тавары на працягу ўсёй дарогі за безнаяўны разлік па банкаўскіх картах міжнародных плацежных сістэм і наяўны разлік у расійскіх рублях.

Цягнік абсталяваны сістэмай кандыцыянавання паветра. У салоне ўстаноўлены кулеры з пітной вадой, маюцца разеткі для зарадкі мабільных прылад.

Кошт праезду фарміруецца з выкарыстаннем сістэмы дынамічнага кіравання тарыфамі і стымулявання попыту (ДКТІСП), якая дазваляе дыферэнцаваць кошт праезду ў залежнасці ад тэрмінаў набыцця праязных дакументаў і каэфіцыента занятасці вагонаў у міжнародных зносінах. Пералік каэфіцыентаў занятасці ажыццяўляецца пры кожным новым афармленні або вяртанні праязных дакументаў. Сістэма ў рэжыме рэальнага часу (on-line) аналізуе указаныя фактары і ў залежнасці ад атрыманых дадзеных робіць пераразлік кошту праезду па ўсім маршруце. Асноўны прынцып ДКТІСП заключаецца ў наступным, чым вышэй попыт і менш месцаў, тым вышэй цана на праезд.

Пры арганізацыі продажу праязных дакументаў з ужываннем сістэмы ДКТІСП ў цягніках не прымяняюцца скідкі/надбаўка ў залежнасці ад тэрмінаў (глыбіні) продажу праязных дакументаў, скідка пры адначасовым афармленні праязных дакументаў у напрамку «туды» і «назад». Дынамічнае цэнаўтварэнне таксама не ўлічваецца пры разліку кошту праезду арганізаваных груп пасажыраў.