Вакзал станцыі Калінкавічы

Усе работнікі вакзала прымаюць належныя меры для забеспячэння магчымасці інвалідам карыстання паслугамі чыгуначнага транспарту, як да адпраўлення цягніка, так і пасля яго прыбыцця.

Права ільготнага альбо бясплатнага праезду ў цягніках прадастаўляецца інваліду і асобе, якая яго суправаджае, у адпаведнасці з заканадаўчымі актамі Рэспублікі Беларусь.

Прыём інвалідаў, іх законных прадстаўнікоў або суправаджаючых асоб па пытаннях карыстання паслугамі чыгуначнага транспарту ажыцяўляецца па-за чаргой начальнікам вакзала. У перыяд, калі начальнік вакзала адсутнічае, прыём вышэйзгаданых грамадзян і магчымасць вырашэння пытанняў забяспечвае дзяжурны памочнік начальніка вакзала, старшы білетны касір. Пры звароце інваліда або яго прадстаўніка да любога работніку вакзала, апошні неадкладна выклікае дзяжурнага памочніка начальніка вакзала для аказання дапамогі.

Пры неабходнасці афармленне праезду інваліду-калясачніку ажыцяўляецца праз работнікаў вакзала. Асоба, адказная за аформлены праезд інваліда, прызначаецца распараджэннем начальніка вакзала ці дзяжурнага памочніка начальніка вакзала.

Для пасажыраў з абмежаванымі фізічнымі магчымасцямі афармляюцца праязныя дакументы на ніжнія месцы ў вагонах з месцамі для ляжання. Пры афармленні дакументаў ўлічваюцца пажаданні інваліда да месцаў размяшчэння ў вагоне з мэтай прадастаўлення найбольш зручных умоў праезду.

Калі інваліду неабходна дапамога пры пасадцы ў вагон, ён папярэджвае аб гэтым начальніка вакзала ці дзяжурнага памочніка начальніка вакзала асабіста, па тэлефоне або ў пісьмовай форме, а таксама павінен вусна пацвердзіць гэтую інфармацыю ў дзень адпраўлення. Калі аналагічная дапамога неабходная і пры высадцы, супрацоўнікі пункта, на якім ажыцяўлялася афармленне праезду інваліду (або сам інвалід), інфармуюць пра гэта станцыю прызначэння пасажыра з выкарыстаннем службовага тэлеграфа або з выкарыстаннем іншых тэхнічных сродкаў. Начальнік вакзала ці дзяжурны памочнік начальніка вакзала арганізуюць неабходную дапамогу з прыцягненнем работнікаў вакзала.

Асобы, якія перасоўваюцца ў інвалідных калясках, па заяве могуць атрымаць месца ў спецыяльным вагоне, прызначаным для перавозкі пасажыраў з абмежаванымі фізічнымі магчымасцямі. Пры наяўнасці тэхнічнай магчымасці ажыцяўляецца прычэпка названага вагона для наступнай пасадкі інваліда ў цягнік і яго размяшчэння ў спецыялізаваным купэ.

Пісьмовыя заявы на перавозку інваліда-калясачніка ў спецыяльным вагоне прымаюцца начальнікам вакзала ў перыяд ад 45 да 5 сутак да адпраўлення цягніка. У заяве ўказваецца прозвішча, імя і імя па бацьку пасажыра, дата і час адпраўлення, адрас месца пражывання і кантактны нумар тэлефона. Пры неабходнасці варта таксама пазначыць неабходнасць аказання дапамогі ва ўздыме і апусканні каляскі ў/з вагона, а таксама у суправаджэнні па тэрыторыі вакзалу.

На працягу 15 сутак з моманту атрымання заяўкі, але не пазней двух сутак да адпраўлення цягніка, пасажыра паведамляюць пра магчымасць прычэпкі спецыяльнага вагона. У выпадку адсутнасці спецыяльнага вагона, напрыклад, калі на адну дату паступае некалькі заяў, пасажыру прапануецца перанесці дату паездкі альбо прытрымлівацца ў купэйным вагоне цягніка.

Пры атрыманні звестак аб выкананні заяўкі начальнік вакзала альбо ліцо ім ўпаўнаважанае (дзяжурны памочнік начальніка вакзала, старшы білетны касір) паведамляюць пасажыра. Арганізуецца афармленне праезду.

Для асоб з абмежаванымі фізічнымі магчымасцямі з усходняга і заходняга боку вакзала абсталяваны пандусы для ўздыму на перон і ў будынак вакзалу. З заходняга боку вакзала абсталяваны пандус для маламабільных груп насельніцтва, які злучае аўтобусны прыпынак з пасадкавай платформай (перонам).