Прызначэнне, змяненне раскладу цягнікоў з ненумараванымі месцамі

1. Аднавіць курсіраванне цягніка па маршруце Пінск – Драгічын адпраўленнем у 21:55.

У зносінах Пінск – Драгічын штодня курсіруе чатыры пары цягнікоў рэгіянальных ліній эканомкласа, тры пары цягнікоў міжрэгіянальных ліній эканомкласа (у асобныя дні тыдня дадаткова яшчэ дзве пары цягнікоў), а таксама маецца аўтобусныя зносіны.

Аднаўленне курсіравання цягніка рэгіянальных ліній эканомкласа № 6361 Лунінец – Пінск да Драгічына немэтазгодна.

2. Змена раскладу цягніка НР 6426 Калінкавічы – Жлобін. Пажаданне, каб цягнік курсіраваў кожны дзень і адпраўляўся пазней, так як гэта зручна пры перасадцы на цягнік НР 083 Гомель – Санкт- Пецярбург.

Змяніць расклад цягніка №6426 Калінкавічы – Жлобін на больш позні не ўяўляецца магчымым, з-за арганізацыі дзеючай перасадкі па станцыі Жлобін на цягнік №615 Гомель – Магілёў, яго расклад і перыядычнасць устаноўлена ў адпаведнасці з попытам на гэтыя перавозкі і магчымасці праезду пасажыраў у перасадачных зносінах.

3. Прызначэнне рэгіянальных ліній эканомкласа Полацк – Бігосава адпраўленнем у 7:00.

З-за скарачэння аб'ёмаў перавозак пасажыраў на ўчастку Полацк – Бігосава і малой населенасцю цягнікоў рэгіянальных ліній эканомкласа ў 2022 годзе на падставе аналізу пасажырапатоку былі скарэкціраваны памеры руху цягнікоў на ўчастку Полацк – Бігосава, і расклад цягніка №6661 Полацк – Бігосава.

Таксама праведзена карэкціроўка раскладу руху дадзенага цягніка з забеспячэннем перасадкі пасажыраў на станцыі Полацк з цягнікоў №6632 Віцебск – Полацк і №606 Брэст – Полацк на цягнік №6661 Полацк – Бігосава.

Па ўказаных прычынах прызначэнне дадатковых цягнікоў на ўчастку Полацк – Бігосава немэтазгодна.

4. Прызначэнне цягніка № 6554 Быхаў – Магілёў.

У цяперашні час адпраўленне цягнікоў рэгіянальных ліній эканомкласа на ўчастку Быхаў – Магілёў з улікам існуючага пасажырапатоку, патрэбаў пасажыраў раўнамерна размеркавана па днях тыдня і па гадзінах сутак. Існуючыя памеры руху цягнікоў у поўным аб'ёме забяспечваюць патрэбнасць насельніцтва ў перавозках чыгуначным транспартам і адпавядаюць патрабаванням дзяржаўнага сацыяльнага стандарту па абслугоўванні насельніцтва ў галіне транспарту.

Прызначэнне цягніка № 6554 Быхаў – Магілёў у штодзённае абарачэнне немэтазгодна.

5. Прызначэнне цягнікоў па маршруце Гродна – Настаўнік. З якога дня будзе адноўлены рух па дадзеным маршруце, па якіх днях цягнікі будуць курсіраваць?

Па ўзгадненні з Гродзенскім раённым выканаўчым камітэтам са снежня 2021 года курсіраванне чыгуначнага транспарту на ўчастку Парэчча – Настаўнік не ажыццяўляецца. Перавозка пасажыраў на гэтым участку ажыццяўляецца аўтамабільным транспартам, таксама маецца магчымасць рухацца ў перасадачных змешаных зносінах Гродна – Парэчча – Настаўнік. Аднаўленне курсіравання цягнікоў рэгіянальных ліній эканомкласа на ўчастку Парэчча – Настаўнік не плануецца.

6. Захаваць час адпраўлення цягніка № 6294/6293 Гродна – Баранавічы, таму што з 03.02.2024 будзе адпраўленне 07:41 (неабходна пакінуць час 09:27, як было раней).

Па ўзгадненні з Гродзенскім абласным выканаўчым камітэтам з 03.02.2024 скарэкціраваны расклад цягніка рэгіянальных ліній эканомкласа № 6294 у зносінах Гродна – Баранавічы адпраўленнем з Гродна ў 07.41 (раней 09.27) і прыбыццём у Баранавічы ў 12.53 (раней 14.40) і спыненнем курсіравання цягніка № 6298 у зносінах Гродна – Баранавічы, адпраўленнем з Гродна ў 06.02, прыбыццём у Баранавічы ў 11.05. У цяперашні час карэкціроўка раскладу руху цягніка № 6294 не разглядаецца.

7. Не адмяняць цягнік НР6098/6297 Гродна – Баранавічы адпраўленнем 06:02 з 02.02.2024, так як многія пасажыры дабіраюцца гэтым цягніком на работу.

Па ўзгадненні з Гродзенскім абласным выканаўчым камітэтам, прынята рашэнне аб прызначэнні на перыяд з 10.12.2023 па 02.02.2024 дадатковага цягніка рэгіянальных ліній эканомкласа № 6298 Гродна – Баранавічы, адпраўленнем з Гродна ў 06.02. З далейшай арганізацыяй аўтобусных зносін і адменай з 10.12.2023 цягніка рэгіянальных ліній эканомкласа № 6294 Гродна – Баранавічы.

Аднаўленне курсіравання цягніка № 6298 Гродна – Баранавічы не разглядаецца з-за адсутнасці рухомага саставу.

8. Прызначэнне цягніка Магілёў – Шклоў у 07:41 па 5,6,7 днях тыдня.

Курсіраванне цягніка № 6564 Магілёў – Шклоў запланавана на вясенне-летні перыяд з павелічэннем пасажырапатоку на гэтым напрамку, з-за нізкага пасажырапатока цягнік зняты з курсіравання ў зімовы перыяд.

9. Прызначэнне цягніка са ст. Смалявічы да аэрапорта г. Мінск.

У цяперашні час выконваюцца работы па праектаванні інвестыцыйнага праекта «Арганізацыя хуткасных пасажырскіх чыгуначных зносін Мінск – Гарадзішча – Кітайска-Беларускі індустрыяльны парк «Вялікі камень» – Нацыянальны аэрапорт Мінск». Магчымасць праезду ў зносінах Смалявічы – Нацыянальны аэрапорт Мінск будзе рэалізавана ў рамках выканання названага праекта.

10. Прызначэнне цягніка №6298/6297 Гродна – Баранавічы адпраўленнем са ст. Азярніца ў 09: 15 па будных днях. Спажывец часта здзяйсняе паездку па маршруце Азярніца – Слонім у медустанову, куды прыбываць да 12.00?, позна.

Па ўзгадненні з Гродзенскім абласным выканаўчым камітэтам дадатковы цягнік рэгіянальных ліній эканомкласа № 6298 Гродна – Баранавічы, адпраўленнем з Гродна ў 06.02, курсіраваў штодня ў перыяд з 10.12.2023 па 02.02.2024. Са спыненнем яго курсіравання з 03.02.2024 скарэкціраваны расклад цягніка № 6294 Гродна – Баранавічы адпраўленнем з Гродна ў 07.41 (раней 09.27).

Паводле даведачнай інфармацыі аўтавакзала г.Слонім, у зносінах Азярніца – Слонім курсіруе рэйсавы аўтобус у зносінах «Слонім – Клепачы» па пятніцах, нядзелях і адпраўленнем з аўтавакзала Слонім у 06.05, 16.15, з прыпыначнага пункта Клепачы-2 у 07.25, 17.35. Таксама пры звароце ГАКТУП «Аператар пасажырскіх перавозак» у Азярніцкі сельскі выканаўчы камітэт з прапановай аб пераносе рэйсаў прыгараднага аўтамабільнага маршруту «Слонім – Клепачы» з нядзелі ў ранішні час на панядзелак і сераду, насельніцтвам, якія пражываюць на тэрыторыі названага сельскага выканаўчага камітэта, было выказана меркаванне пакінуць існуючыя рэйсы прыгараднага аўтамабільнага маршруту без зменаў.

11. Змяніць расклад цягніка №6635 Полацк – Віцебск, так як пасажырам, якія накіроўваюцца па маршруце Краева – Віцебск больш зручна адпраўляцца ў 16.00-16.30 (у цяперашні час 14.18).

Па прычыне зніжэння аб'ёмаў перавозак цягнікамі рэгіянальных перавозак на ўчастку Віцебск – Полацк у графіку руху цягнікоў на 2020/2021 год адменены цягнікі №6636/6635 Віцебск – Полацк – Віцебск (адпраўленне са станцыі Віцебск у 11:56, са станцыі Полацк у 11:53) і скарэкціраваны расклад руху цягнікоў №6638/6637 Віцебск – Полацк – Віцебск (адпраўленне са станцыі Віцебск у 14:36, са станцыі Полацк у 14:59) на больш ранні час руху з забеспячэннем узгодненных зносін з участка Маладзечна – Полацк.

Па ўказаных прычынах змяненне раскладу руху цягнікоў №6636/6635 Віцебск – Полацк – Віцебск не разглядаецца.

Для здзяйснення паездак з Віцебска ў Верхнядзвінск і назад пасажырам прадстаўлена магчымасць праезду цягнікамі №605 Полацк – Брэст або №6632 Віцебск – Полацк з перасадкай на цягнік №6661 Полацк – Бігосава, таксама цягнікамі №706 Магілёў – Полацк з перасадкай на цягнік №6665 Полацк – Бігосава. У зваротным кірунку цягнікамі № 6662 Бігосава – Полацк з перасадкай на цягнік міжрэгіянальных ліній бізнес-класа №705 Полацк – Магілёў або на цягнік №6633 Полацк – Віцебск, цягнікамі №6664 Бігосава – Полацк з перасадкай на цягнік №605 Полацк – Брэст падрабязную інфармацыю аб раскладзе руху цягнікоў і іх маршрутах можна таксама атрымаць па даведачным тэлефонным нумары 105 і на сайце www.rw.by.

Для здзяйснення паездак паміж Віцебскам і Верхнядзвінскам маецца магчымасць праезду з выкарыстаннем альтэрнатыўных відаў транспарту.

12. Адзначана немэтазгоднасць курсіравання цягніка №6639 Полацк – Віцебск адпраўленнем у 20.26, таму што ходзіць пусты.

Для ацэнкі мэтазгоднасці курсіравання цягнікоў рэгіянальных ліній эканомкласа № 6639/6640 Полацк – Віцебск – Полацк у лютым 2024 года праводзіўся маніторынг іх населенасці, з фіксацыяй высадкі/пасадкі на станцыях і прыпыначных пунктах па маршруце руху. Па выніках дадзенага маніторынгу УП  «Віцебскае аддзяленне Беларускай чыгункі» будзе прынята рашэнне аб далейшай арганізацыі курсіравання названых цягнікоў.

13. Узгадніць перасадку з цягніка № 6538 Крычаў – Орша на № 6029 Орша – Мінск.

На жаль, у цяперашні час адсутнічае тэхнічная магчымасць для карэкціроўкі раскладу графіка руху дадзеных цягнікоў з улікам арганізацыі руху цягнікоў на аднапутным участку Орша – Магілёў.

14. Прадоўжыць маршрут цягніка №6920 Мінск – Талька да станцыі Асіповічы.

Пры рэалізацыі гэтай прапановы спатрэбіцца значная карэкціроўка раскладу цягнікоў міжрэгіянальных ліній № 696 Мінск – Гомель, № 683 Гомель – Мінск, № 661 Магілёў – Мінск і № 749 Гомель – Мінск. Па прычынах наяўнасці тэхнічных абмежаванняў на ўчастку Мінск – Асіповічы, нізкага пасажырапатоку на ўчастку Талька – Асіповічы, наяўнасці альтэрнатыўнага варыянту праезду ў зносінах Мінск – Асіповічы цягніком № 758 Мінск – Гомель прадаўжэнне маршруту руху цягніка № 6920 Мінск – Талька да станцыі Асіповічы-1 не разглядаецца.

15. Змяніць адпраўленне цягніка Мінск – Асіповічы ў 06:01 на больш позні (няма магчымасці дабрацца на метро).

Курсіраванне цягнікоў рэгіянальных ліній эканомкласа ў першую чаргу арганізоўваецца для забеспячэння патрэбаў насельніцтва ў перавозках з улікам пачатку працоўнага часу. Змена раскладу руху цягніка № 6904 Мінск – Асіповічы з улікам больш позняга адпраўлення са станцыі Мінск-Пасажырскі прывядзе да парушэння ўсталяванай маршрутнай сеткі і запатрабуе значнай карэкціроўкі раскладу руху цягнікоў № 6904 Мінск – Асіповічы, № 742 Мінск – Магілёў, № 716 Мінск – Гомель, № 690 Мінск – Гомель, № 6742 Асіповічы – Жлобін з больш познім прыбыццём у ранішні час цягніка № 6904 на станцыі Рудзенск і Пухавічы.

Па ўказаных прычынах змяненне раскладу руху цягніка № 6904 Мінск – Асіповічы не разглядаецца.

16. Змяніць прыбыццё цягніка №6901 Пухавічы – Мінск-Пасажырскі на станцыю Мінск-Пасажырскі раней на 10 хвілін, таму што пасажыры спазняюцца на работу.

Больш ранняе прыбыццё цягніка рэгіянальных ліній эканомкласа № 6901 Пухавічы – Мінск на станцыю Мінск-Пасажырскі на 10 хвілін, у цяперашні час 06.13, пацягне больш ранняе на 20 мін. яго адпраўленне са станцыі Пухавічы (у 04.35 замест 04.55), што значна знізіць попыт на паездкі гэтым цягніком жыхарамі г. Мар'іна Горка, а таксама запатрабуе карэкціроўкі раскладу руху цягніка № 621 Гомель – Мінск.

Па ўказаных прычынах, змяненне раскладу руху цягніка № 6901 Пухавічы – Мінск не разглядаецца.

17. Прызначыць вячэрні цягнік па маршруце Беняконе – Ліда.

Цягнікі рэгіянальных ліній эканомкласа № 6065 у зносінах Беняконе – Ліда адпраўленнем з Беняконе ў 21.27 і № 6062 Ліда – Беняконе адпраўленнем з Ліды ў 04.56 адменены з 06.03.2023 і 07.03.2023 адпаведна па прычыне вельмі нізкай іх населенасці.

Аднаўленне курсіравання названых цягнікоў рэгіянальных ліній эканомкласа не плануецца.

18. Прадоўжыць маршрут гарадскіх ліній да п.п. Пралескі.

Згодна з Указам Прэзідэнта Рэспублікі Беларусь ад 25.04.2012 № 202 «Аб мерах па развіцці перавозак пасажыраў чыгуначным транспартам агульнага карыстання » Перавозка пасажыраў і багажу чыгуначным транспартам агульнага карыстання цягнікамі гарадскіх ліній ажыццяўляецца ў межах горада Мінска, абласнога цэнтра і за іх межы, але не далей чыгуначных станцый (прыпыначных пунктаў), размешчаных у гарадах-спадарожніках. На падставе тлумачэнняў на афіцыйным сайце Прэзідэнта Рэспублікі Беларусь, у адпаведнасці з Указам № 19, які ўносіць змяненні ва Указ № 202, прадаўжаюцца маршруты цягнікоў гарадскіх ліній на існуючых і перспектыўных напрамках да першай чыгуначнай станцыі, размешчанай за горадам-спадарожнікам і якая мае пуцявое развіццё з магчымасцю прыёму, адпраўлення і абгону цягнікоў. У дадзеным выпадку горадам-спадарожнікам з'яўляецца станцыя Беларусь.

Па ўказаных прычынах прадаўжэнне маршруту цягнікам гарадскіх ліній у зносінах Мінск – Беларусь – Мінск да прыпыначнага пункта Пралескі не разглядаецца.

19. Забяспечыць перасадку на станцыі Крычаў з цягніка №6539 Орша – Крычаў на №7157 Крычаў – Магілёў.

Графік руху цягніка № 7157 Крычаў – Магілёў распрацаваны з улікам магчымасці перасадкі пасажыраў па станцыі Магілёў на цягнік № 605 Полацк – Брэст. Па названай прычыне ў цяперашні час адсутнічае тэхнічная магчымасць для карэкціроўкі раскладу графіка руху цягнікоў на названых участках.

20. Змяніць час адпраўлення цягніка з Барковіч да Верхнядзвінска на больш ранні (каля 7.00), таму што ў мед. установы ў абед дабірацца позна.

Аналагічна пытанні 3.

21. Рэалізаваць зручны час перасадкі па маршруце Віцебск – Полацк – Верхнядзвінск для цягнікоў адпраўленнем з Віцебска ў 12:58, прыб. у Полацк 15:06, отпр. з Полацка ў 17:49. Узгадніць па нядзелях расклад для зручнай перасадкі Верхнядзвінск – Полацк – Віцебск з Верхнядзвінска ў 13.07.

Аналагічна пытанні 11.

22. Па маршруце Полацк – Гродна разгледзець варыянт перасадкі па ст. Маладзечна (адпр. з Полацка 06:10).

Для арганізацыі перасадкі пасажыраў з цягніка рэгіянальных ліній бізнес-класа №869 Полацк – Мінск (прыбыццё на ст.Маладзечна 08:41) па станцыі Маладзечна на цягнік міжрэгіянальных ліній эканомкласа №687 Мінск – Гродна (адпраўленне са ст. Маладзечна ў 08:26) неабходна змяніць расклад рух цягніка №869 Полацк – Мінск на больш ранняе, альбо цягніка №687 Мінск – Гродна на больш позні. Названыя цягнікі не з'яўляюцца ўзгодненымі перасадачнымі цягнікамі.

Арганізацыя перасадкі пасажыраў па ст. Маладзечна пацягне значную карэкціроўку цягнікоў №869 Полацк – Мінск і №687 Мінск – Гродна і негатыўна адаб'ецца на ўзроўні транспартнага абслугоўвання пасажыраў. Таксама расклад курсіравання штодзённага цягніка №869 Полацк – Мінск, распрацаваны з умовай максімальнага скарачэння знаходжання часу ў дарозе (3 гадзіны 34 хвіліны).

23. Вярнуць у расклад цягнік Ваўкавыск – Гродна адпраўленнем у 08:26 (на дадзены момант толькі ў 10:17) для праезду ў сацыяльныя ўстановы абласнога цэнтра.

Па тэхнічных прычынах цягнік рэгіянальных ліній эканомкласа № 6281 Баранавічы – Гродна (адпраўленнем з ст.Баранавічы-Палескія ў 06.01) рухаўся з прыпынкамі толькі па станцыях і менш населеных сярод цягнікоў названай катэгорыі ў гэтых зносінах, з 10.12.2023 адменены.

У ранішні перыяд для праезду ў зносінах Ваўкавыск – Гродна пасажыры могуць штодня ажыццявіць паездку цягніком № 679 Віцебск – Гродна, адпраўленнем з Ваўкавыска ў 10.17, у складзе якога курсіруюць вагоны сядзячага тыпу з мінімальнай цаной праезду.

24. Разгледзець магчымасць пераносу часткі цягнікоў з Інстытута Культуры на Мінск-Пасажырскі на час рамонту пуцеправода (зачынены праход з платформы ў метро).

Па прычыне правядзення рамонту пуцеправода праз вул. Маскоўскую на вул. Чкалава прыбыццё і адпраўленне ўсіх цягнікоў рэгіянальных ліній эканомкласа з напрамку Орша – Мінск і часткова з напрамку Мінск – Баранавічы ажыццяўляецца са ст.Мінск-Пасажырскі.

Для пасажыраў праход на пасадкавыя платформы прыпыначнага пункта Інстытут Культуры ажыццяўляецца па часовай схеме.

Схемы часовага праходу пасажыраў на пасажырскія платформы з указаннем месцаў размяшчэння білетных кас (у тунэлі, берагавой платформе) размешчаны каля білетных кас, закрытых выхадаў з тунэлю на пасажырскія платформы і ў тунэлі.

Прызначэнне дадатковых або падаўжэнне маршрутаў курсіруюць цягнікоў з нумараванымі месцамі

1. Забяспечыць магчымасць праезду па маршруце Полацк – Гродна з арганізацыяй перасадкі па ст. Маладзечна з цягніка, які адпраўляецца з Полацка 06:10.

(адказ, аналагічна п. 22, раздел 1).

2. Павялічыць колькасць вагонаў у цягніку НР 860 Пінск – Мінск.

Указаны цягнік сфарміраваны з маторвагоннага рухомага саставу пэўнай ёмістасці. У цяперашні час, на жаль, адсутнічае тэхнічная магчымасць арганізацыі курсіравання дадзенага цягніка здвоеным саставам.

3. Прызначыць цягнік Магілёў – Калінкавічы ў прамых зносінах у дзённы час. Спажывец, інвалід 2 групы мае цяжкасці ў здзяйсненні паездак па маршруце Магілёў – Калінкавічы – Магілёў, так як цягнікі прыбываюць у начны час і патрабуецца доўгае чаканне на перасадку з (на) грамадскі транспарт.

Штодня ў прамых зносінах «Магілёў – Калінкавічы» ідзе цягнік міжрэгіянальных ліній эканомкласа № 605 Полацк – Брэст (адпраўленне з Магілёва ў 22.34). Па прычынах адсутнасці стабільнага высокага пасажырапатоку і незадзейнічанага рухомага саставу, прызначэнне дадаткова цягніка па ўказаным напрамку немэтазгодна.

4. Прызначыць дадатковыя цягнікі ў прамых зносінах па маршруце Камунары – Орша па 5,6,7 днях тыдня. Спажывец часта здзяйсняе паездкі па маршруце Камунары – Мінск. Выказвае незадаволенасць недастатковай колькасцю месцаў у цягніку №634 Камунары – Гродна.

У цяперашні час адпраўленне цягнікоў па маршруце Камунары – Мінск арганізавана з улікам існуючага пасажырапатоку.

У дадатак да цягніка № 634 Камунары – Гродна па нядзелях ідзе цягнік № 678 Камунары – Орша (з групай прычапных вагонаў), продаж на названыя цягнікі пачынаецца за 45 сутак. Таксама маецца магчымасць праезду з перасадкай па станцыі Орша.

5. Прызначыць дадатковыя хуткасныя цягнікі па маршруце Мінск – Жлобін акрамя наяўных Мінск – Калінкавічы, Мінск – Гомель.

Па маршруце Мінск – Калінкавічы ў графіку руху цягнікоў на 2023/2024 гг.прызначаны 2 пары цягнікоў, па маршруце Мінск – Гомель – 10 пар цягнікоў. Маніторынг эфектыўнасці выкарыстання рухомага саставу сведчыць аб дастатковасці існуючых памераў для вывазу пасажырапатоку, які сфарміраваўся.

Прызначэнне дадатковых хуткасных цягнікоў па маршруце Мінск – Жлобін у цяперашні час немэтазгодна.

6. Аднавіць прыпынак цягніка №679 Віцебск — Гродна на ст.Баранавічы-Палескія для зручнасці перасадкі ў напрамку Лунінца.

Цягнік міжрэгіянальных ліній эканомкласа № 680/679 Гродна – Віцебск – Гродна першапачаткова (з уводам графіка руху цягнікоў на 2019/2020 год з 08.12.2019) ідзе праз ст.Баранавічы-Цэнтральныя, калі  цягнікі ідуць праз ст. Баранавічы-Палескія, гэта прыводзіць да значнага павелічэння агульнага часу знаходжання цягніка ў дарозе. Улічваючы адсутнасць падобных зваротаў, рэалізацыя гэтай прапановы немэтазгодна.

7. Уключыць у схему цягніка №609 Гомель – Гродна дадаткова два агульныя вагоны.

У дадзеным цягніку курсіруе адзін вагон з месцамі для сядзення, Уключэнне агульных вагонаў не разглядаецца.

8. Прадугледзець прыпынак для пасадкі і высадкі пасажыраў па ст. Азярышча цягніка №634 Камунары – Гродна.

У адпаведнасці з Указам Прэзідэнта Рэспублікі Беларусь ад 25.04.2012 № 202 «Аб мерах па развіцці перавозак пасажыраў чыгуначным транспартам агульнага карыстання» цягнікі міжрэгіянальных ліній эканомкласа павінны мець прыпынкі па маршруце руху на станцыях (прыпыначных пунктах), размешчаных у населеных пунктах з колькасцю жыхароў больш за 10 тыс. чалавек, у раённых цэнтрах або на адлегласці не далей за 15 км ад іх, у гарадах абласнога падпарадкавання, абласных цэнтрах і горадзе Мінску. У сувязі з адсутнасцю патэнцыйнага пасажырапатоку арганізацыя прыпынку цягніка міжрэгіянальных ліній эканомкласа № 633 Камунары – Гродна па ст. Азярышча немэтазгодная.

9. Прадоўжыць маршрут цягніка Мінск – Калінкавічы да станцыі Козенкі.

У цяперашні час прадаўжэнне маршруту руху электрацягнікоў рэгіянальных ліній бізнес-класа № 874/873 і № 876/875 Мінск – Калінкавічы да станцыі Козенкі не ўяўляецца магчымым, і будзе дадаткова разглядацца пасля завяршэння мадэрнізацыі чыгуначнай інфраструктуры, неабходнай для адкрыцця руху на электрацязе.

10. Прызначыць па маршруце Мінск – Брэст – Мінск дадатковыя цягнікі з вагонаў лакаматыўнай цягі.

Дадатковыя цягнікі з вагонаў лакаматыўнай цягі па маршруце Мінск – Брэст прызначаюцца ў перыяд павелічэння пасажырапатоку, а таксама ў перыяд святочных перавозак, зыходзячы з сфармаванага пасажырапатоку.

11. Змяніць час прыбыцця цягніка №605 Полацк – Брэст на ст. Калінкавічы для забеспячэння магчымасці далейшай перасадкі па маршруце Калінкавічы – Мазыр.

Цягнік № 605 Полацк – Брэст на ўчастку Віцебск – Калінкавічы з'яўляецца двухгрупным у саставе якога курсіруе група вагонаў Полацк – Гомель з далейшай яе перапрацэпкай па ст. Калінкавічы ў састаў цягніка №604 Брэст – Гомель з зручным для большасці пасажыраў часам адпраўлення з пачатковых пунктаў і прыбыцця на канчатковыя пункты, змяніць яго час прыбыцця на станцыю Калінкавічы для забеспячэння магчымасці далейшага руху па маршруце Калінкавічы – Мазыр у перасадачных зносінах не ўяўляецца магчымым.

12. Прызначыць цягнік бізнес-класа па маршруце Гродна – Брэст (праз Пінск).

Графік руху пасажырскіх цягнікоў сфарміраваны з улікам тэхнічных магчымасцяў. У цяперашні час прызначыць дадатковы цягнік міжрэгіянальных ліній бізнес-класа ў зносінах Гродна – Брэст не ўяўляецца магчымым па тэхнічных прычынах, абумоўленых абмежаваным паркам адпаведнага рухомага саставу, яго знаходжаннем на тэхнічным абслугоўванні і ў розных планавых відах рамонту. Для праезду ў зносінах Брэст – Гродна (праз Пінск) арганізавана штодзённае курсіраванне бесперасадачных вагонаў, падрабязную інфармацыю аб раскладзе руху якіх можна атрымаць у кантакт-цэнтры Беларускай чыгункі па тэлефонным нумары 105 або на афіцыйным сайце Беларускай чыгункі http://www.rw.by.

13. Прызначыць цягнік з магчымасцю бесперасадачнага праезду па маршруце Магілёў – Аранчыцы (у выхадныя дні) або забяспечыць магчымасць зручных перасадачных зносін Камунары – Орша – Аранчыцы.

Прызначэнне дадатковых цягнікоў або бесперасадачных груп вагонаў ажыццяўляецца пры наяўнасці ўстойлівага прамога пасажырапатоку і тэхнічнай магчымасці арганізацыі перавозак пасажыраў. У сувязі з недастатковым прамым пасажырапатокам, які рухаецца ў зносінах Аранчыцы – Камунары, прызначэнне дадатковага пасажырскага цягніка або бесперасадачнай групы вагонаў не разглядаецца.

Для праезду ў зносінах Аранчыцы – Орша – Камунары прадугледжана магчымасць ажыццяўлення паездкі ў перасадачных зносінах з перасадкай на станцыі Мінск-Пасажырскі. Падрабязную інфармацыю аб раскладзе руху цягнікоў можна атрымаць у кантакт-цэнтры Беларускай чыгункі па тэлефонным нумары 105 або на афіцыйным сайце Беларускай чыгункі http://www.rw.by.

14. Забяспечыць магчымасць праезду з работы па маршруце Пінск – Малатковічы пасля 21:00.

У зносінах Пінск – Малатковічы ў вячэрні час курсіруе штодзённы аўтобус (адпраўленне ў 20.25). Прызначэнне дадатковых цягнікоў не плануецца.

15. Прадугледзець у ранішні час зручныя перасадачныя зносіны па маршруце Мінск – Асіповічы – Салігорск.

Для праезду па маршруце Мінск – Салігорск з перасадкай па ст. Асіповічы-1 у ранішнія гадзіны маецца магчымасць праезду з Мінска цягнікамі рэгіянальных ліній эканомкласа № 6902 Мінск – Асіповічы, № 6904 Мінск – Асіповічы і цягнікамі міжрэгіянальных ліній бізнес-класа № 742 Мінск – Магілёў, № 716б Мінск – Гомель з далейшай перасадкай на цягнік рэгіянальных ліній бізнес-класа № 879Б Магілёў –Салігорск або цягнік рэгіянальных ліній эканомкласа № 6523 Асіповічы – Салігорск. Падрабязную інфармацыю аб раскладзе руху цягнікоў можна атрымаць у кантакт-цэнтры Беларускай чыгункі па тэлефонным нумары 105 або на афіцыйным сайце Беларускай чыгункі http://www.rw.by.

Прызначэнне і курсіраванне цягнікоў у зносінах з РФ

1. Паскорыць міжнародныя пасажырскія цягнікі, якія рухаюцца ў напрамку Адлера, за кошт скарачэння часу стаянак.

Беларускай чыгункай праводзіцца пастаянная работа па паскарэнні міжнародных пасажырскіх цягнікоў у ходзе двухбаковага ўзаемадзеяння з ААТ «РЖД» і ў рамках работы Савета па чыгуначным транспарце дзяржаў-удзельніц СНД.

У 2024 годзе дадзеная работа будзе ажыццяўляцца ў працэсе распрацоўкі графіка руху пасажырскіх цягнікоў міжнародных чыгуначных зносін на 2024/2025 год.

2. Прызначыць цягнік па маршруце Гомель – Екацерынбург.

Прызначэнне цягніка ў зносінах Гомель – Екацерынбург з прычыны нізкага попыту на пасажырскія перавозкі ў паказаных зносінах ў цяперашні час не разглядаецца.

Праезд у паказаных зносінах магчыма ажыццявіць з перасадкай на станцыях маскоўскага чыгуначнага вузла.

3. Прызначыць цягнік у прамых зносінах з Беларусі да Уфы.

Чыгуначныя зносіны Уфа –  Мінск прадугледжваюцца ў летні перыяд 2024 года перыядычнасцю адзін раз у тыдзень цягніком фарміравання ААТ «РЖД» № 426/425 Калінінград – Чэлябінск, праз ст. Мінск-Пасажырскі і Уфа. Таксама праезд пасажыраў ад Мінска да Уфы прадугледжаны цэлы год і ў перасадачных зносінах на ст. Самара на цягнікі, якія ідуць ад/да ст. Уфа.

4. Прызначыць цягнік або бесперасадачныя вагоны па маршруце Гомель – Мурманск.

Прызначэнне цягніка або аднаўленне курсіравання бесперасадачных вагонаў у зносінах Гомель – Мурманск з прычыны нізкага попыту на пасажырскія перавозкі ў паказаных зносінах у цяперашні час не разглядаецца. Паездкі па ўказаным маршруце пасажыры могуць ажыццявіць, скарыстаўшыся цягнікамі ў зносінах Гомель – Мінск, з перасадкай на цягнік № 66 Мінск – Мурманск. Падрабязную інфармацыю аб раскладзе руху пасажырскіх цягнікоў можна атрымаць у кантакт-цэнтры Беларускай чыгункі па тэлефонным нумары 105 або на афіцыйным сайце Беларускай чыгункі http://www.rw.by.

5. Аднавіць пасажырскі рух па маршруце Віцебск – Рудня, Орша – Краснае, Крычаў – Сураж.

Арганізацыя прыгранічных прыгарадных (рэгіянальных) зносін з'яўляецца двухбаковым працэсам паміж Беларускай чыгункай і ААТ «РЖД» і рэгулюецца міжнароднымі пагадненнямі. У цяперашні час праводзіцца работа па актуалізацыі палажэнняў названых міжнародных пагадненняў, якія вызначаюць асобныя важныя аспекты арганізацыі перавозак пасажыраў у прыгранічных прыгарадных (рэгіянальных) зносінах. Дадзеная працэдура з'яўляецца доўгім працэсам, якая патрабуе ўзгаднення з усімі датычнымі чыгуначнымі адміністрацыямі.

Пасля прыняцця змяненняў у міжнародныя дакументы, якія рэгламентуюць перавозку пасажыраў у прыгранічных прыгарадных (рэгіянальных) зносінах, Беларуская чыгунка сумесна з ААТ «РЖД» вернецца да разгляду пытання магчымасці аднаўлення курсіравання названых цягнікоў.

6. Прызначыць цягнік (бесперасадачныя вагоны) па маршруце Брэст – Новасібірск.

У цяперашні час Беларускай чыгункай сумесна з ААТ «РЖД» вядзецца работа па аднаўленні чыгуначных пасажырскіх перавозак паміж Рэспублікай Беларусь і Расійскай Федэрацыяй. На дадзены момант канчатковае рашэнне па пытанні аднаўлення чыгуначных пасажырскіх перавозак у зносінах з г.Новасібірскам не дасягнута. Паездкі па паказаным маршруце пасажыры могуць ажыццявіць, скарыстаўшыся цягнікамі ў зносінах Брэст – Масква, з перасадкай на станцыях маскоўскага чыгуначнага вузла на цягнікі, якія ідуць у напрамку г.Новасібірска.

Падрабязную інфармацыю аб раскладзе руху пасажырскіх цягнікоў і магчымых варыянтах праезду ва ўказаных зносінах з перасадкай на станцыях ААТ «РЖД» можна атрымаць у кантакт-цэнтры Беларускай чыгункі па тэлефонным нумары 105 або на афіцыйным сайце Беларускай чыгункі http://www.rw.by.

7. Прызначыць цягнік (бесперасадачныя вагоны) па маршруце Брэст – Мінск – Іркуцк

Цягнік міжнародных ліній №64/63 Мінск – Іркуцк – Мінск курсіраваў у графіку 2012/2013 гг. па днях тыдня.

Цягнік курсіраваў праз станцыю Ніжні Ноўгарад. Аналіз пасажырапатоку праводзіўся з упорам на станцыі, якія знаходзяцца далей названай станцыі. Зыходзячы з малаважнага пасажырапатоку, які склаўся ў 2012/2013 гг., курсіраванне цягніка міжнародных ліній №64/63 Мінск – Іркуцк – Мінск было мэтазгодна. Для прыняцця рашэння аб прызначэнні цягніка (бесперасадачнай групы) па маршруце Брэст – Мінск – Іркуцк неабходна вывучэнне попыту на дадзены кірунак..

          8. Прызначыць бесперасадачныя вагоны ў зносінах Салігорск – Масква.

З сакавіка 2020 года цягнік міжрэгіянальных ліній эканомкласа № 613/614 Магілёў – Салігорск з бесперасадачнымі вагонамі Салігорск – Масква і Салігорск – С.Пецярбург адменены з абарачэння з прычыны недастатковасці пасажырапатоку. Аднаўленне курсіравання дадзенага цягніка Беларускай чыгункай не разглядаецца..

Пасажыры ў зносінах Салігорск – Масква могуць ажыццяўляць паездкі цягніком рэгіянальных ліній бізнес –класа № 880 Салігорск – Магілёў з перасадкай на станцыі Магілёў -1 у цягнік міжнародных ліній № 56 Гомель – Масква або скарыстацца альтэрнатыўнымі відамі транспарту з перасадкай у г.Мінску.

Падрабязную інфармацыю аб раскладзе руху пасажырскіх цягнікоў можна атрымаць у кантакт-цэнтры Беларускай чыгункі па тэлефонным нумары 105 або на афіцыйным сайце Беларускай чыгункі http://www.rw.by.

Абслугоўванне пасажыраў і тарыфы

1. Чаму спаганяецца камісійны збор пры афармленні праязных дакументаў на БПМ на цягнікі з нумараванымі месцамі.

Тарыфы на паслугі транспартных чыгуначных тэрміналаў устаноўлены згодна з пастановай Міністэрства антыманапольнага рэгулявання і гандлю Рэспублікі Беларусь ад 3 снежня 2020 г. № 81.

2. Чаму раз'язныя касіры просяць прад'яўляць пенсійнае пасведчанне пры афармленні праязнога дакумента. Прапанова адмяніць праверку пасведчання пры куплі праязнога дакумента ў касе.

Льготы на праезд чыгуначным транспартам агульнага карыстання могуць устанаўлівацца ў адпаведнасці з заканадаўчымі актамі (дэкрэтамі і ўказамі Прэзідэнта Рэспублікі Беларусь, Законамі Рэспублікі Беларусь).

Так, Указам Прэзідэнта Рэспублікі Беларусь ад 29.04.2011 №176 «Аб дзяржаўнай падтрымцы пенсіянераў», што права прадастаўлення льготнага праезду грамадзянам, якія дасягнулі агульнаўстаноўленага пенсійнага ўзросту, рэалізуецца на падставе прад'яўлення пенсійнага пасведчання.

Патрабаванне арыгінала дакумента, які дае права на льготу таксама замацавана ў Правілах перавозак пасажыраў, багажу і грузабагажу чыгуначным транспартам агульнага карыстання, зацверджаных пастановай Савета Міністраў Рэспублікі Беларусь ад 17.07.2015 №609 (далей – Правілы).

Пунктам 9 Правілаў вызначана, што пры наяўнасці права на льготны праезд грамадзянамі прад'яўляюцца (пры афармленні праязнога дакумента (білета) у білетнай касе, праездзе і кантролі) арыгіналы дакументаў, якія пацвярджаюць права на льготы.

3. Інвалід просіць дазволіць пры праездзе па маршруце Бабруйск – Асіповічы – Мінск цягнікамі № № 6747, 6925 не выходзіць на станцыі Асіповічы, калі не адбываецца змена рухомага саставу.

У сувязі з тым, што на маршруце Жлобін – Асіповічы – Мінск могуць быць задзейнічаны розныя саставы (адзін на ўчастку ад Жлобіна да Асіповіч, другі – ад Асіповіч да Мінска), а таксама ў сувязі з неабходнасцю правядзення іх тэхнічных аглядаў і абслугоўвання, знаходжанне пасажыраў у саставе цягнікоў № 6747, № 6925 па станцыі Асіповічы не дапускаецца.

4. Замяніць у цягніках рэгіянальных ліній эканомкласа сядзення на больш камфортныя, таму што цяпер занадта жорсткія.

У сувязі з высокім зносам парку маторвагоннага рухомага саставу вырабляць замену сядзенняў на больш камфортныя эканамічна не мэтазгодна. Дадзеная прапанова будзе ўлічана пры закупцы новага маторвагоннага рухомага саставу для цягнікоў рэгіянальных ліній эканомкласа.

5. Забяспечыць устойлівую работу тэрміналаў самаабслугоўвання па афармленні праязных дакументаў на станцыі Мінск-Усходні.

На станцыі Мінск-Усходні ў падземным пераходзе каля білетных кас размешчана два плацежна-даведачныя тэрміналы самаабслугоўвання (мадэль РТ – 334) для рэалізацыі праязных дакументаў на цягнікі гарадскіх ліній і рэгіянальных ліній эканомкласа па банкаўскіх плацежных картках (далей – ТПС). Згодна з тэхнічнымі характарыстыкамі ў дадзенай мадэлі ТПС устаноўлены банкаўскія картапрыёмнікі. Яны прымаюць толькі тыя банкаўскія карты, у якіх інфармацыя запісана на магнітную паласу. Карты, у якіх інфармацыя запісана на мікрапрацэсарны чып не чытаюцца. Дадзенае абсталяванне на станцыі Мінск-Усходні работае устойліва, заўваг па рабоце ТПС ад спажыўцоў у аддзяленне чыгункі не паступала.

У цяперашні час аддзяленнем чыгункі праводзіцца планамерная работа па паэтапным аснашчэнні станцый і прыпыначных пунктаў з найбольшым пасажырапатокам тэрміналамі самаабслугоўвання новага ўзору. У 2024 годзе плануецца вырабіць абнаўленне плацежна-даведачных тэрміналаў ТПС на станцыі Мінск-Усходні ў колькасці 1 адзінкі.

6. Дапоўніць тэкст апавяшчэння пасажыраў у цягніках інфармацыяй аб забароне выкарыстанні мабільных прылад у дарозе з уключаным дынамікам. Спажыўцу ў цягніку бізнес класа Гомель – Мінск перашкаджала дзіця, якое сядзела побач, якое іграла ў тэлефоне.

У цяперашні час у заканадаўстве Рэспублікі Беларусь адсутнічаюць адпаведныя нормы. Для ўрэгулявання канфліктных сітуацый неабходна звярнуцца да службовага персаналу цягніка.

7. Даць за кошт Беларускай чыгункай скідку (50%) для праезду пенсіянераў у цягніках з нумараванымі месцамі пры абмежаванай колькасці паездак у год.

Льготы на праезд чыгуначным транспартам агульнага карыстання могуць устанаўлівацца ў адпаведнасці з заканадаўчымі актамі (дэкрэтамі і ўказамі Прэзідэнта Рэспублікі Беларусь, Законамі Рэспублікі Беларусь).

Так, Указам Прэзідэнта Рэспублікі Беларусь ад 29.04.2011 №176 «Аб дзяржаўнай падтрымцы пенсіянераў» устаноўлена, што грамадзяне, якія дасягнулі агульнаўстаноўленага пенсійнага ўзросту, якім прызначана дзяржаўная пенсія незалежна ад яе віду, маюць права на 50-працэнтную скідку з кошту праезду на чыгуначным транспарце агульнага карыстання толькі ў цягніках рэгіянальных ліній эканом-класа, водным і аўтамабільным пасажырскім транспарце агульнага карыстання рэгулярных прыгарадных зносін (акрамя таксі) на перыяд сезонных сельскагаспадарчых работ штогод з 1 мая па 31 кастрычніка.

8. Выключыць на станцыі Орша доўгае перакрыцце цягніком пешаходнага пераходу праз 1 пуць, таму што пры высадцы з цягніка №680 на астраўную платформу пасажырам пажылога ўзросту з чамаданамі і дзецьмі цяжка падымацца на мост.

Да станцыі Орша-Цэнтральная прымыкае 6 напрамкаў і ў асноўным усе пасажырскія цягнікі маюць прыпынак для пасадкі-высадкі пасажыраў з адначасовым правядзеннем устаноўленых тэхнічных і тэхналагічных рэгламентаў. Для забеспячэння бяспечнага праходу пасажыраў з горада да вакзала, цягнікоў і наадварот на станцыі абсталяваны наземны пешаходны пераход (мост).

На жаль, у асобных выпадках маюць месца больш доўгае перакрыцце пасажырскімі цягнікамі пешаходных пераходаў праз пуці ст. Орша-Цэнтральная.

9. Парушэнне тэмпературнага рэжыму ў цягніках № 6133 - 17.10.2023, №6129 - 07.11.2023, №6135 - 02, 09.11.2023, №6106 - 07.11.2023, №6107 - 27, 28.11.2023, №6114 - 27, 28.11.2023.

Па ўсіх выпадках паступлення інфармацыі аб незахаванні тэмпературнага рэжыму ў пасажырскіх цягніках праводзіцца расследаванне і ва ўстаноўленым парадку накіроўваецца адказ заяўніку.

Заўваг па рабоце абсталявання сістэм ацяплення электрацягнікоў, якія абслугоўваюць названыя цягнікі, на дадзены момант не выяўлена.

10. Перагледзець вынікі разгляду звароту па нумары 151 аб незахаванні 14.12.2023 і 01.01.2024 тэмпературнага рэжыму ў цягніку №6539 Орша – Крычаў. Спажыўца не задаволіў атрыманы пісьмовы адказ.

Кіраўніцтвам РУП «Магілёўскае аддзяленне Беларускай чыгункі» паўторна разгледжана пытанне забеспячэння тэмпературнага рэжыму ў цягніку № 6539 Орша - Крычаў 01.01.2024.

Парушэнняў патрабаванняў санітарных нормаў і правілаў «Патрабаванні да ўмоў пасажырскіх перавозак на чыгуначным транспарце» ў міжнародных зносінах, зацверджаных пастановай Міністэрства аховы здароўя Рэспублікі Беларусь ад 24.12.2013 № 129, не ўстаноўлена.

11. Забяспечыць выкананне парадку вымярэння тэмпературы паветра ў маторвагонным рухомым саставе, прадугледжанага адпаведным ДАСТ. Выкарыстоўваць пры вымярэнні тэмпературы паветра ў пасажырскіх вагонах паверанае вымяральнае абсталяванне.

Захаванне тэмпературнага рэжыму ў рухомым саставе забяспечваецца ў адпаведнасці з патрабаваннямі санітарных норм і правілаў «Патрабаванні да ўмоў пасажырскіх перавозак на чыгуначным транспарце», СТБ 2220-2011 «Перавозкі пасажырскімі цягнікамі міжрэгіянальных, рэгіянальных і гарадскіх ліній. Агульныя патрабаванні».

12. На прыпыначным пункце Крыніца да 6.30 не работае каса, што не дазваляе аформіць праязныя дакументы з аплатай безнаяўным спосабам.

Рэжым работы білетнай касы прыпыначнага пункта крыніца ўсталяваны з 06:10 да 22:00 з перапынкам для адпачынку і харчавання.  

Беларуская чыгунка ў рамках пашырэння метадаў і спосабаў набыцця і аплаты праязных дакументаў на цягнікі з ненумараванымі месцамі шырока выкарыстоўвае новыя тэхналогіі. Укаранёна сістэма продажу электронных праязных дакументаў на цягнікі з ненумараванымі месцамі праз сетку Інтэрнэт і мабільныя прылады. З дапамогай мабільнага дадатку «БЧ. Мой цягнік» пасажыры маюць магчымасць набыцця праязных дакументаў без наведвання білетнай касы.

13. Забяспечыць у касе №2 станцыі Уша ўстойлівую работу POS-тэрмінала (доўга апрацоўвае аперацыі)

У цяперашні час для забеспячэння ўстойлівай работы POS-тэрмінала праводзяцца мерапрыемствы па паляпшэнню якасці сувязі.

14. Забяспечыць работу білетнай касы на станцыі Пагодзіна ў начны час для афармлення праязных дакументаў на цягнік №634 Камунары – Гродна.

У сувязі з адсутнасцю пасажырапатоку адкрыццё касы ў начны час з'яўляецца немэтазгодным. Пры гэтым для пасажыраў, якія загадзя не набылі праязныя дакументы на цягнік № 634 Камунары – Гродна ад станцыі Пагодзіна маецца магчымасць набыць праязны дакумент у начальніка цягніка.

Маецца магчымасць афармлення білетаў на цягнік № 634 папярэдне за 45 сутак. Таксама білеты можна аформіць на афіцыйным сайце Беларускай чыгункі pass.rw.by або ў мабільным дадатку «БЧ.Мой цягнік».

15. Арганізаваць рознічны гандаль прадуктамі харчавання ва ўсіх міжрэгіянальных цягніках бізнес-класа, уключаючы Мінск – Калінкавічы

Ва ўсіх цягніках міжрэгіянальных ліній бізнес-класа арганізавана рэалізацыя прадуктаў харчавання, асартымент прадукцыі вызначаецца з тэхнічных магчымасцяў рухомага саставу.

У дачыненні да цягнікоў рэгіянальных ліній бізнес-класа Мінск – Калінкавічы паведамляем, што ў цяперашні час названыя цягнікі абслугоўваюцца кандуктарамі цягнікоў, тарыфна-кваліфікацыйнымі характарыстыкамі якіх не прадугледжана арганізацыя рознічнага гандлю прадуктамі харчавання.