У адпаведнасці з пунктамі №90,91 Правілаў перавозак пасажыраў, багажу і грузабагажу чыгуначным транспартам агульнага карыстання, зацверджаных пастановай Савета Міністраў Рэспублікі Беларусь ад 17 ліпеня 2015 г. № 609):

У цягніку з ненумараванымі месцамі пасажыр мае права дадаткова да ўсталяванай нормы правезці да 50 кілаграмаў ручной паклажы за плату ў адпаведнасці з заканадаўствам.

За кожны прадмет, які перавозіцца ў цягніку з ненумараванымі месцамі, памер якога па суме трох вымярэнняў перавышае 200 сантыметраў, незалежна ад яго вагі спаганяецца плата як за 50 кілаграмаў ручной паклажы *. Названыя прадметы перавозяцца перавозчыкам у спецыяльна выдзеленых для гэтых мэтаў месцах у вагонах.

У цягніках з нумараванымі месцамі фарміравання Беларускай чыгункі пасажыр мае права дадаткова правозіць з сабой ручную паклажу:

вагой да 14 кілаграмаў за плату, устаноўленую заканадаўствам, здзейсненую па тарыфе на перавозку багажу;

вагой да 50 кілаграмаў на адзін дадаткова аформлены поўны праязны дакумент (білет);

вагой да 150 кілаграмаў у адкрытым пасажырскім адсеку плацкартнага вагона асобным купэ купэйнага вагона з афармленнем дадаткова трох поўных праязных дакументаў (білетаў). На гэтых праязных дакументах (білетах) ажыццяўляецца запіс "ручная паклажа".

Кожны прадмет, памерам па суме трох вымярэнняў больш за 200 сантыметраў, перавозіцца на адзін дадаткова аформлены поўны праязны дакумент (білет).

Калі пасажыр мае ручную паклажу, вага і памеры якой перавышаюць устаноўленыя ў частцы першай пункта 87 Правіл нормы, і адмаўляецца аплаціць правоз дадатковай ручной паклажы або здаць яе для перавозкі багажом, то перавозчык мае права адмовіць пасажыру ў перавозцы дадатковай ручной паклажы.

* Плата за перавозкі дадатковай вагі ручной паклажы (не больш за 50 кг) у вагонах з ненумараванымі месцамі спаганяецца ў памеры кошту поўнага праязнога дакумента (білета) да пункта прызначэння пасажыра. (Пастанова Міністэрства антыманапольнага рэгулявання і гандлю Рэспублікі Беларусь ад 03.12.2020 N 82 (п.19 гл.4).

Перавозка залішняй ручной паклажы ў міжнародных зносінах (у краіны СНД і Балтыі) устаноўлена ў артыкуле 14 з дадаткам 1 да Пагаднення паміж чыгуначнымі адміністрацыямі дзяржаў-удзельніц Садружнасці Незалежных Дзяржаў, Грузіі, Латвійскай Рэспублікі, Літоўскай Рэспублікі, Эстонскай Рэспублікі аб асаблівасцях прымянення асобных нормаў пагаднення аб міжнародным пасажырскім зносінах (СМПС) ОП СМПС.